十三道疤痕

番到香港我直奔左番屋企🏠因為想先清理一下全身嘅玻璃同埋沖個涼換下衫先出去搞掂哂之後就準備入院🏥今次入院主要做幾樣嘢照肺, MRI 頭、頸、腰背, 處理傷口🫁🧠醫生黎到一照話我全個頭都閃令令✨✨除左頭, 耳仔入面都係玻璃碎👂🏼我自己手痕試下抹下點知即流血醫生話要安排耳鼻喉醫生去處理, 因為照到好入都有👂🏼因為玻璃X-RAY, MRI都唔會照到, 只有用光見到佢反光先見到所以玻璃係好難處理嘅第二日去左睇耳鼻喉科, 我以為得右耳先有玻璃👂🏼原來左耳都俾玻璃整損哂右耳更嚴重係成隻耳仔都係玻璃粉, 最後要吸出黎照到最入好近耳膜仲要搵到一粉大玻璃好好彩.....無聾到再照哂鼻到喉, 見到有D玻璃碎但應該已經吸入哂同跟食物入哂身體係之後個幾日會排番出黎而事實上都真係, 因為痾到流血.......🩸入主題當晚我第一次見到自己嘅傷口🩹我以為得4 個, 大陸醫生同我講6-7 個去到👨🏻‍⚕️同我講有9 個…….但當晚只係洗左傷口無聯針亦無講要點處理我望住個堆傷口真係瞬間崩潰😭問左護士幾次咁我D傷口諗住點處理👩🏼‍⚕️：醫生無講低雖然唔係靠樣搵食, 但要我點接受個額點等佢自己好我真係接受唔到係醫生角度聯唔聯針係按以下1. 有冇生命危險? 唔聯針傷口會唔會自己好番?2.傷口埋得靚唔靚所以我即刻打去搵屋企人救命最後就即刻去約個整容醫生黎睇下我嘅傷口同埋應該點處理咁就黎到我而家依個復康之路啦#已經差唔多黎到尾聲#之後會不定期咁俾大家睇下我傷口嘅情況

15 分鐘後血好似凝決左好似開始止左血我用電話照下自己究竟有冇可能自己拎番D玻璃出黎2S後結論：我唔知插到幾深, 所以都係不動為妙等緊救護車嘅時候我諗趗：究竟同唔同屋企人講同唔同ROSA 講我猶欵左幾分鐘, 最後係無講到因為我唔知自己個刻講左之後除左佢地會超擔心外我可以答佢地D咩所以我決定上左救護車去醫院先同佢地講 大約15-20 分鐘後, 救護車到左, 救護員即刻叫我地上車依個MOMENT 後悔一世呀佢即刻拎左塊紗布幫我止血OK, 我以為佢係會就咁COVER 住我傷口但佢唔係呀, 佢竟然抹我個傷口呀我係極度懷疑我而家額頭多左嘅一堆小傷口都係佢抹出黎係佢抹嘅一刻當然我係叫左出黎亦同時叫停左佢........但亦由個一刻起我無見過我額頭嘅傷口去到醫院醫生即睇我傷口由於我係好清醒所以我都係覺得國內文化係搞笑完全無排隊文化, 我係左醫生房, 跟住又有其他人推個病人入黎搵醫生醫生開左個紗布睇左我同佢講：幫我拎左D玻璃出黎, 幫我儘快止血搞掂哂D嘢, 儘快俾我出院番香港處傷口如果要聯針, 我都想番香港, 總之我想儘快出院跟住醫生無理全間房嘅其他人同我行左去另一間房叫我訓左上去幫我係額頭拎番D玻璃出黎痛到痴線, 堅大叫(利申：我本身好怕痛)夾出嚟嘅時候有個護士仲不停問我嘢我忍唔住同佢講：好痛呀, 大佬, 我真係答你唔到呀而家護士：我諗住幫你分散注意力我：咁痛點分散呀醫生除左幫我夾玻璃, 話我全頭全面都係玻璃碎, 佢儘量幫我掃出黎跟住幫我包到成個蘋果咁我起身見到床邊有血有2 粒大玻璃........但我趕住要去照CT因為怕仲有其他玻璃係頭入面..........最後照左係無入到頭入面, 個腦亦都無事中間有唔同公安嚟問事發經過拎我嘅聯絡方式, 亦係依個時候公安俾左天眼嘅片我睇所以我先睇到事發經過我：嘩，佢咁樣似係謀殺喎公安：咁你同佢有冇仇照完CT 去見醫生, 佢叫我儘量快D番香港處理傷口因為傷口好多, 有6-7...

意外意外, 認真你有幾何諗到你會發生意外更加唔好話係交通意外今次係我人生第一次發生交通意外正正因為依一次嘅經歷, 我都想好好記下再分享出黎都想提醒各位有咩位需要注意有咩可以做傷口最好點樣處理? （跟進住睇下我嘅做法會唔會好)咁首先由事發經過開始, 唔想睇嘅可以飛5月2日朝早9:30當日我係要番大陸過完關就上左一架7 人車, 當時我係坐係7人車中間右邊嘅位 (司機係左邊）其實都算係好安全嘅位, 通常交通意外都係前撞後追當時我係有配載安全帶突然間我CHOK左一下好勁嘅, 本身瞓緊嘅我即刻醒左個一刻我無諗過係俾車撞, 但個下衝擊亦實在太大我成個人向前衝跟住我對眼睜開望一望嘩! 撞車 (但當時我完全唔知係俾咩車撞嘅)我見到所有玻璃碎哂跟住我合番埋眼之後車停左我就覺得個頭好痛好痛跟住就有好多血不斷咁流出黎, 我只可以用雙手去接住跟住叫人拎紙巾俾我, 我痴住左個額頭止血先, 因為個一刻血多到我眼都開唔到再去檢查下其他人同自己有冇其他地方受傷好好彩地雖然我當時著短衫短褲, 但手腳都只係輕微損傷亦無頭暈無嘔神智清醒, 但全身同頭都係玻璃打開紙巾見到額頭插住一D玻璃碎片令佢不停流血但由於唔知插幾深亦太多血嘅關係我根本唔可以自己拎到出黎所以都係等送去急症亦係依個時候去搞清楚到底發生咩事當時我地離目的地仲有7 分鐘嘅路程, 係一條有4 條行車道嘅道路人行駛 (從天眼睇番D片)而我地所在係最左嘅一條, 時速大約60-70突然問, 一架貨車由最右第4 條行車線失控 (佢話有水跣軚)打斜45 度角直接撞去最左線嘅我地, 正正係撞到我地架車嘅門柄如果快0.5S 或慢0.5S我前面或者我就應該係咁大, 真係應該唔扁都殘........又或者架車再撞入D,...