15 分鐘後血好似凝決左好似開始止左血
我用電話照下自己究竟有冇可能自己拎番D玻璃出黎
2S後結論：我唔知插到幾深, 所以都係不動為妙
等緊救護車嘅時候我諗趗：究竟同唔同屋企人講同唔同ROSA 講
我猶欵左幾分鐘, 最後係無講到
因為我唔知自己個刻講左之後除左佢地會超擔心外我可以答佢地D咩
所以我決定上左救護車去醫院先同佢地講
大約15-20 分鐘後, 救護車到左, 救護員即刻叫我地上車
依個MOMENT 後悔一世呀
佢即刻拎左塊紗布幫我止血
OK, 我以為佢係會就咁COVER 住我傷口
但佢唔係呀, 佢竟然抹我個傷口呀
我係極度懷疑我而家額頭多左嘅一堆小傷口都係佢抹出黎
係佢抹嘅一刻當然我係叫左出黎
亦同時叫停左佢........但亦由個一刻起我無見過我額頭嘅傷口
去到醫院醫生即睇我傷口
由於我係好清醒所以我都係覺得國內文化係搞笑
完全無排隊文化, 我係左醫生房, 跟住又有其他人推個病人入黎搵醫生
醫生開左個紗布睇左
我同佢講：幫我拎左D玻璃出黎, 幫我儘快止血搞掂哂D嘢, 儘快俾我出院番香港處
傷口
如果要聯針, 我都想番香港, 總之我想儘快出院
跟住醫生無理全間房嘅其他人同我行左去另一間房
叫我訓左上去幫我係額頭拎番D玻璃出黎
痛到痴線, 堅大叫(利申：我本身好怕痛)
夾出嚟嘅時候有個護士仲不停問我嘢
我忍唔住同佢講：好痛呀, 大佬, 我真係答你唔到呀而家
護士：我諗住幫你分散注意力
我：咁痛點分散呀
醫生除左幫我夾玻璃, 話我全頭全面都係玻璃碎, 佢儘量幫我掃出黎
跟住幫我包到成個蘋果咁
我起身見到床邊有血有2 粒大玻璃........
但我趕住要去照CT
因為怕仲有其他玻璃係頭入面..........
最後照左係無入到頭入面, 個腦亦都無事
中間有唔同公安嚟問事發經過拎我嘅聯絡方式, 亦係依個時候公安俾左天眼嘅片我睇
所以我先睇到事發經過
我：嘩，佢咁樣似係謀殺喎
公安：咁你同佢有冇仇
照完CT 去見醫生, 佢叫我儘量快D番香港處理傷口
因為傷口好多, 有6-7 個
同埋佢未幫我打破傷風針
之後搞埋D手續就搭車番香港
但竟然係車度我係鼻度搵到粒好大嘅玻璃
個刻我開始諗究竟我全身有幾多玻璃?
重點未講, 上左救護車我就即通知屋企人我撞車
我唔知我地處理得啱唔啱依以下係我地處理嘅程序
如果萬一真係好唔好彩應該點做
首先ROSA 第一時間幫我搵保險經紀, 因為要準備我番香港即刻入院去CHECK 所有嘢
我亦好幸運屋企人入面係有醫生, 了解哂我所情況後
佢地同ROSA溝通哂亦同時幫我搵埋醫生安排入院安排哂所有要做嘅檢查
所以我覺得保險係好重要, 首先如果外地, 起碼要有旅遊保
當然意外保都重要, 但最主要都係醫療 (我唔係AGENT, 但真心覺得重要)
不過就算無保險為自己身體, 幾錢都要做啦因為我咁樣個頭爆左又有意外, 真係唔知私家醫院門診會唔會唔收
所以如果可以預早安排亦唔需要等咁耐
而係國內我亦有國內同事即刻去左醫院幫手搞所有手續等
以我記憶國內醫療費都係一千左右(夾玻璃同照左個腦嘅CT)
#玻璃人
#仲未見到個傷口未癲
